當初喺領養中心領養蕃薯之前，中心已經有同我哋講過蕃薯因為喺芝娃娃，雙眼比較突出，
之前同其他狗狗玩果陣都試過整親隻眼，所以都提醒我地落街散步要小心唔好再撞到都唔知，驚會引起視網膜退化。
而且蕃薯出細到宜家都有眼屎多嘅問題，所以我哋都會每日幫蕃薯抹臉、清潔眼周圍，
前排同蕃薯去狗狗party，聽好多狗主講開話原來佢哋會比狗狗食各種嘅supplement，
我同男朋友即刻唔執輸，問咗好多關於狗狗護眼保健嘅資料，話哂蕃薯宜家都5歲，都希望可以幫蕃薯keep到正常視力。
狗狗最常見嘅眼睛疾病
某啲狗狗例如喺貴婦、摩天使、史納莎、芝娃娃、哈士奇等因為先天性基因問題，
眼睛構造比較脆弱，容易出現遺傳性眼疾，例如：白內障同青光眼。
而狗狗喺成長過程中如果因為健康問題例如糖尿病、高血壓都會引起視網膜病變。
或者雙眼受過外力撞擊、長期曝曬等，都會容易引起眼睛退化。
而大部分嘅狗狗都會經歷因為年紀大或者平時冇做好眼睛保健而出現問題。
雙眼開始睇唔清、變得灰白混濁、分泌物過多、行路不穩、失去方向感等，都有可能喺狗狗喪失視力前嘅徵兆。
青光眼
狗狗眼睛液體無法正常排出，造成眼壓過高、眼球凸出、紅腫，
瞳孔有可能會不受控制咁放大或縮小，最終壓迫到視網膜同視神經，影響視力。
白內障
眼睛水晶體變得混濁，遮蔽光線正常進入眼球，令狗狗眼睛無法對焦，對強光變得敏感，
視力開始變得模糊並且會失去方向感，最終導致失明。
乾眼症
由於雙眼淚水分泌不足，眼睛會疼痛、發炎，導致產生嘅分泌物過多，
狗狗會開始頻繁眨眼，甚至捽眼造成眼睛受傷、潰瘍。
視網膜退化
夜間視力變弱，狗狗活動力降低，後期亦會有可能演變成白內障。
狗狗護眼保健要揀有咩成分先至適合？
葉黃素
葉黃素能夠吸收、過濾穿透角膜及水晶體進入視網膜嘅藍光，減少藍光對眼睛感光細胞嘅傷害。
常見葉黃素分為「游離型」與「酯化型」兩種，游離型分子細，唔洗經過消化就可以被身體直接吸收；
相反酯化型葉黃素分子量較大，必須經過消化道轉換吸收，吸收率相對就較低。
所以會建議成分可以揀翻有游離型葉黃素嘅supplement。
玉米黃素
除咗葉黃素之外，玉米黃素對於眼睛保健亦十分重要，有助修復眼睛細胞，有效提高葉黃素喺身體入面嘅吸收程度。
有臨床研究證實過：葉黃素＋玉米黃呢個組合素有效減低老年黃斑部病變嘅機會。
美國國家研究院亦有指出，5：1的葉黃素＋玉米黃素喺最佳嘅護眼黃金比例，
所以幫狗狗揀葉黃素，仲可以留意翻有冇含有玉米黃素，亦都可以以5：1呢個比例嚟做標準。
抗氧化劑(花青素、蝦青素等)
補充抗氧化劑可以減少自由基對眼睛細胞嘅傷害，
而且抗氧化力越高，保健效果愈好，有助於延緩眼睛退化，對視力保健有好大嘅幫助。
離胺酸
狗狗體內必需嘅胺基酸，適量補充離胺酸有助去除及改善狗狗分泌物、眼屎多嘅問題，
維持眼周乾淨，亦可以增強免疫力，減低其他感染機會。
維他命A、E
維他命A喺維持夜間視力及黏膜健康嘅重要成分，有效預防夜盲及乾眼症等。
維他命E就有助於維持眼睛細胞膜嘅完整性，同時具抗氧化作用。
其他輔助成分(小米草、魚油等)
小米草可以滋潤鼻淚管、幫眼睛保濕。而魚油中嘅Omega-3能夠預防乾眼，減少眼睛疲勞，以及抗發炎，維持視力健康等。
試用心得分享
因為蕃薯雙眼都受傷過，為咗幫蕃薯保養雙眼，減慢佢嘅老化速度，
最重要喺想幫佢改善眼屎多呢個問題，
唔洗每次出街見人都掛住兩行眼屎，我咃用咗差唔多半年嘅時間，
試咗５款上網search咗好耐嘅狗狗護眼supplement，介紹比大家：
DHC – 犬用護眼藍莓素
| 游離型葉黃素 | ✔ | 產地 | 日本 |
| 玉米黃素 | ✘ | 劑型 | 咀嚼錠 |
| 抗氧化劑 | ✔ | 數量 | 60粒 |
| 離胺酸 | ✘ | 價錢 | HKD79 |
| 維他命E、蝦紅素 | ✘ | 每日價格 | HKD3 |
| 其他輔助成分 | 花青素 | 推薦指數 | ★★★☆☆ |
DHC喺我第一款入手嘅狗狗護眼supplement，本身自己都有食開DHC嘅supplement，
見佢原來連狗狗食嘅都有賣，落單果陣就順便買比蕃薯，慳運費丫嘛!
呢款成分主要以花青素為主，雖然都有加葉黃素同蝦青素，但劑量就比較低，抗藍光方面可能就冇咁有效。
蕃薯都有keep住食完成袋，但冇乜特別明顯效果，我諗呢款主要喺舒緩眼乾，
因為平時睇電視賣廣告d藍莓supplement好似都喺咁講嘅…
愛寵健藍莓葉黃素複合護眼配方
| 游離型葉黃素 | 沒有標示 | 產地 | 波蘭 |
| 玉米黃素 | ✔ | 劑型 | 膠囊 |
| 抗氧化劑 | ✔ | 數量 | 30粒 |
| 離胺酸 | ✘ | 價錢 | HKD290 |
| 維他命E、蝦紅素 | ✘ | 每日價格 | HKD5 |
| 其他輔助成分 | 綠茶 銀杏葉 花青素 | 推薦指數 | ★☆☆☆☆ |
愛寵健呢款都喺以藍莓為主嘅護眼supplement，官網都有介紹話含有葉黃素同玉米黃素，不過就冇標明比例同用邊種葉黃素。
最麻煩嘅喺照住建議食用份量，蕃薯每日淨喺食半粒就夠，每次剩低半粒都唔知點keep好，
有時手震，唔小心一次就倒咗大半粒出嚟，有幾次仲因為開咗冇封好，第2日拎翻出嚟再餵已經變咗一舊。
餵咗半盒嫌太麻煩，而且覺得每次食得少少，都唔知有冇效就冇再繼續餵。
Furluv 樂球 佳犬晶透澈
| 游離型葉黃素 | ✔ | 產地 | 台灣 |
| 玉米黃素 | ✔ | 劑型 | 咀嚼錠 |
| 抗氧化劑 | ✔ | 數量 | 60粒 |
| 離胺酸 | ✔ | 價錢 | HKD189 |
| 維他命E、蝦紅素 | ✔ | 每日價格 | HKD3 |
| 其他輔助成分 | 小米草 | 推薦指數 | ★★★★★ |
上網爬文果陣就見到呢款有5:1嘅葉黃素同玉米黃素，仲標榜用咗專利嘅蝦紅素，
抗氧化能力喺維他命C嘅6000倍，見佢講到咁勁，價錢都幾合理，就買咗盒試。
我每日都當餵零食咁餵蕃薯食1粒，蕃薯都直接食唔抗拒，食咗大半盒最明顯嘅效果喺蕃薯嘅眼屎少咗勁多，
雙眼冇再成日眼濕濕咁，睇翻成分原來有添加離胺酸，可以幫助改善眼睛分泌物過多同維持狗狗視神經健康。
一盒60粒，依蕃薯嘅體重每日1粒可以食到2個月，勁抵買!
Mybeau 紐西蘭貓狗健康補品 – 維他命+視力護眼啫喱
| 游離型葉黃素 | 沒有標示 | 產地 | 紐西蘭 |
| 玉米黃素 | ✘ | 劑型 | 啫哩 |
| 抗氧化劑 | ✔ | 數量 | 300ml |
| 離胺酸 | ✘ | 價錢 | HKD288 |
| 維他命E、蝦紅素 | 沒有標示 | 每日價格 | HKD8 |
| 其他輔助成分 | 蝦紅素 Q10 Omega-3 | 推薦指數 | ★★☆☆☆ |
一開始喺HKTV mall見到呢款jelly話吸收率有99.5%，
又可以改善淚痕，幾吸引咁就買咗，不過就冇特別標明每個成分嘅劑量。
食完一包，蕃薯有少咗成日眼濕濕，但眼屎問題冇太明顯改善。護眼成分上又冇咁公開透明，想了解多啲都冇，冇得比較。
Royal-Pets – Pure Bilberry 純正藍莓精華
| 游離型葉黃素 | ✘ | 產地 | 美國 |
| 玉米黃素 | ✘ | 劑型 | 軟膠囊 |
| 抗氧化劑 | ✔ | 數量 | 60粒 |
| 離胺酸 | ✘ | 價錢 | HKD360 |
| 維他命E、蝦紅素 | ✘ | 每日價格 | HKD6 |
| 其他輔助成分 | 花青素 魚油 | 推薦指數 | ☆☆☆☆☆ |
一開始喺因為見佢成分有魚油，可以幫助減少眼乾同維持視力。
買到翻嚟再認真研究佢嘅成分先見到佢入面有葡萄籽精華，
但一直都知狗狗食提子呢個成分有好多爭議，所以一直都唔敢餵蕃薯食呢隻，成盒冇郁過放喺屋企。
總結
| 品牌 | DHC | 愛寵健 | Furluv 樂球 | Mybeau | Royal-Pets |
|---|---|---|---|---|---|
| 產品 | | | | | |
| 游離型葉黃素 | ✔ | 沒有標示 | ✔ | 沒有標示 | ✘ |
| 玉米黃素 | ✘ | ✔ | ✔ | ✘ | ✘ |
| 抗氧化劑 | ✔ | ✔ | ✔ | ✔ | ✔ |
| 離胺酸 | ✘ | ✘ | ✔ | ✘ | ✘ |
| 維他命E、蝦紅素 | ✘ | ✘ | ✔ | 沒有標示 | ✘ |
| 其他輔助成分 | 花青素 | 綠茶 銀杏葉 花青素 | 小米草 | 蝦紅素 Q10 Omega-3 | 花青素 魚油 |
| 產地 | 日本 | 波蘭 | 台灣 | 紐西蘭 | 美國 |
| 劑型 | 咀嚼錠 | 膠囊 | 咀嚼錠 | 啫哩 | 軟膠囊 |
| 數量 | 60粒 | 30粒 | 60粒 | 300ml | 60粒 |
| 價錢 | HKD79 | HKD290 | HKD189 | HKD288 | HKD360 |
| 每日價格 | HKD3 | HKD5 | HKD3 | HKD8 | HKD6 |
| 推薦指數 | ★★★☆☆ | ★☆☆☆☆ | ★★★★★ | ★★☆☆☆ | ☆☆☆☆☆ |
研究過呢幾款supplement 嘅成分同埋觀察蕃薯嘅用後感，我自己最推介Furluv 樂球嘅佳犬晶透澈。
始終市面上狗狗護眼嘅supplement話多唔多話少唔少，
而且要長時間食都想揀成分公開透明又齊全嘅，好過食完一堆都冇咩效果。
Furluv呢隻佳犬晶透澈有國際認可嘅 5:1葉黃素+玉米黃素，可以更有效抵抗環境中藍光對狗狗眼睛嘅傷害，
話哂狗狗每日都會至少落街散步1-2次，宜家紫外線咁強，真喺要好好預防。
最令我驚喜嘅喺入面離胺酸呢個成分真喺幫到手，改善蕃薯咁多年嘅眼屎問題，眼周D毛都靚翻哂。
我平時都喺喺 HKTV mall 買嘅，買開自己啲嘢順便搭單一齊。有興趣嘅主人們都可以去望吓!
