不知不覺屋企嘅貴賓同港短已經分別嚟咗5年同3年，
已經相當於人類年齡嘅35同30歲，始終年紀大機器壞，為咗主子們可以健康快樂長大，
我開始關注有冇啲岩貓狗食嘅保健。
好好彩嘅係我屋企兩位主子暫時身體都無咩特別嚴重病痛，唔需要針對咩部位進行加強保養，
所以作為綜合嘅營養保健，魚油，就成為咗我第一個研究對象。
睇完資料又買咗幾款俾屋企兩位主子試，終於搵到款效果唔錯嘅寵物魚油丸。
作為綜合保健，魚油可謂非常萬能，對心臟、眼睛、皮膚、腦仔、關節都照顧到。
香港氣候長年潮濕不穩，對於皮膚一直被毛髮包住嘅毛孩嚟講，好容易會因黴菌積聚而出現皮膚問題，
而魚油就可以維持毛孩皮膚健康，而且仲可以潤滑毛髮。
除此之外，原來好多寵物嘅疾病起因都係因為慢性發炎，日子耐咗各種健康問題就會浮現，
魚油正好有抗發炎功效，守護貓狗嘅免疫系統。
另外魚油嘅護心補腦功效，相信就算係無養寵物嘅人都一定聽過，畢竟魚油本身亦係人類常見保健產品之一。
呢個時候一定就會有人問：咁如果想方便啲，寵物可唔可以同我食同一款魚油？答案是：盡量唔好！
因為人類同寵物嘅體型大小就唔同，貓狗腸胃嘅消化力亦不及人類，人類食嘅魚油對貓狗嚟講好多時劑量都會太多，
容易造成消化不良或者肚瀉，嚴重嘅仲會影響毛孩身體嘅凝血功能。
而且坊間有啲人類食嘅魚油仲會加香料或者甜味劑，呢啲都唔係適合寵物食嘅成分，
所以做飼主真係唔懶得，要照顧主子健康就要做到最好嘅！
魚油對寵物的好處
魚油保健最重要就係補魚油入面嘅 Omega-3 脂肪酸，更進階就要講求EPA同DHA嘅含量，
EPA有助減輕炎症、提升免疫、維持心血管健康、改善不安情緒，
而DHA主要有益於腦部發育、視力健康、神經系統運作，下面就嚟詳解魚油嘅各種好處。
改善皮膚和毛髮健康
唔少寵物會有皮膚問題，如過敏、濕疹、甩皮等，呢啲其實都係由慢性發炎引起，
而Omega-3脂肪酸具有強烈嘅抗發炎效果，可以減輕發炎反應同痕癢不適問題，從而改善皮膚狀況。
而且Omega-3脂肪酸亦可以防止皮膚水分流失，保持皮膚滋潤，仲有不得不提嘅係貓狗毛髮生長都會需要用到脂肪酸，
補充Omega-3就可以促進毛髮生長，同時又可以抑制毛囊周圍嘅炎症反應從而減少甩毛，最後仲可以提升毛髮光澤添。
關節健康和活動力
Omega-3可促進關節液生成和保護關節軟骨，減少摩擦減少損耗，延緩關節退化嘅速度。
如果屋企嘅毛孩已經有關節炎，魚油就可以透過抗炎減輕關節痛楚，令貓狗更願意走跳，
而且Omega-3亦有助將營養輸送到肌肉細胞，從而增加肌肉力量，並提升毛孩活力同運動意願。
腦部和認知功能
魚油含嘅DHA不論對年幼犬貓或者老年貓狗的腦部發育都至關重要！
DHA係腦細胞和神經細胞組成嘅重要成分，足夠嘅DHA可以令幼犬幼貓嘅腦部和視網膜發育更完善，提升學習力和增強記憶力。Omega-3亦具強大抗氧化力，可清除自由基同減少腦細胞嘅氧化損傷，
對老年貓狗嚟講，可以延緩認知功能退化，改善記憶力、注意力同空間感。
而且EPA亦可以調節情緒，老年貓狗容易因身體狀況而出現焦慮和憂鬱情緒，EPA就可以幫手穩定愛寵嘅心情。
心臟健康
貓狗同人一樣都有機會得三高，Omega-3能降低血液中嘅三酸甘油酯水平，
減少脂肪係血管壁上堆積，降低動脈硬化嘅風險，血栓係導致心臟病和中風嘅主因之一，
定期補充魚油就可以降低血栓形成，減輕心臟負擔。
Omega-3亦能改善心肌功能，增強心臟收縮力，調節心律，減少心律不正嘅問題發生。
對於已經膽固醇過高或有高血壓嘅毛孩嚟講，魚油可以改善血脂問題同降低血壓，
不過如果寵物本身已經接受緊藥物治療，食緊抗凝血藥或者正值手術前後，魚油就唔可以亂補，要問準過獸醫先好食啊！
免疫系統支持
Omega-3 能減輕過度活躍的免疫反應，對於比較敏感嘅寵物嚟講就可以減輕過敏問題，
尤其宜家氣候唔穩定，空污又嚴重，人類都會過敏，貓狗就更容易被影響。
Omega-3亦能提升白血球嘅數量同活性，促進抗體的生成，增強身體免疫力。
如果身體已經有傷口， Omega-3就可以促進傷口癒合，加速組織修復，減少傷口染病嘅風險。
維持眼睛健康
視網膜結構和運作都需要DHA嘅支持，有足夠嘅DHA先可以確保眼睛接收到光線並傳遞訊息至大腦，
而且DHA亦具抗氧化作用，保護眼睛免受自由基傷害，延緩老化。
同時DHA可保持角膜濕潤，減少乾眼症問題發生，令毛孩眼睛時刻保持精靈有神。
挑選寵物魚油丸時要注意什麼？
魚油對貓狗身體健康有咁多好處，但現時坊間寵物魚油丸琳瑯滿目，到底要點揀好？
而且貓狗腸胃始終比人類敏感，亂食萬一食到劣質魚油，除左補唔到身，
隨時仲會對毛孩身體造成負擔，要揀當然要揀最好嘅，宜家就嚟一一拆解寵物魚油丸要點揀！
選擇rTG型態
現時市面上嘅寵物魚油丸型態主要有rTG、TG、EE這三種，不同型態嘅魚油會影響身體嘅吸收率。
- TG 屬於天然型態，直接保持最原本魚油嘅Omega-3，但由於過濾少，魚油入面仍然有大量雜質，
大大粒好似有好多Omega-3，但其實一般只有30%係可以被身體使用嘅Omega-3，其他都係多餘嘅雜質油。 - EE型則由TG型加工變成EE，雜質會少一半，Omega-3含量提升50%以上，
但EE本身嘅穩定性甚至比TG弱，所以吸收率一樣會被影響。
如果真係鍾愛EE型就要記得揀排裝而非瓶裝，同埋要搵無透光嘅包裝，以免魚油變質失效。 - rTG型魚油屬於EE型嘅進階版，用更先進嘅萃取技術去除大量雜質同時保持魚油營養嘅穩定性，
一般rTG型魚油Omega-3嘅含量至少可達70%，而且吸收率唔會被影響。
不過由於萃取程序繁瑣，導致rTG價錢會比EE或TG貴。
然而作為一位稱職嘅奴才，就算自己食唔飽，都要俾屋企愛寵最好嘅保護，所以呢啲錢唔省得㗎。
選擇深海魚油
海洋污染呢四個字大家一定唔陌生，但魚油原料就係魚，要點先可以避免貓狗係補充魚油時唔會食到重金屬呢？
深海魚類就係一個相對安全嘅選擇，因為深海魚身處嘅地理位置比較唔會接觸到海面污染物，
體內嘅重金屬同汙染物等有害物質都會比淺海或近海嘅魚類少，所以補充深海魚油，就可以降低毛孩攝入有害物質嘅風險。
同時深海魚為咗適應低溫嘅海洋環境，體內都會累積更大量嘅脂肪，加上深海水溫變化少，
自然體內嘅脂肪就會相對穩定，萃取出嚟嘅Omega-3脂肪酸品質亦會因此較高同穩定。
劑量不要過量
魚油好處之多導致有啲人可能會覺得補得越多越好，但飼主千其唔好忽略貓狗腸胃係好敏感，
魚油食太多，貓狗反而有機會出現軟便、腹瀉、嘔吐等問題，
所以俾寵物補充魚油時最緊要記得口訣：適量不過量。
但究竟要點先算適量呢？美國就有個民間非營利組織，美國國家科學研究委員會(NRC)，
曾公布過EPA同DHA嘅每日建議攝取量同比例建議，所以係揀寵物魚油時不妨留意下有冇符合NRC嘅建議標準。
避免過多添加物的魚油
由於魚油始終會有魚腥味，有些商家為咗掩蓋腥味令寵物願意食，
會添加過多嘅香料或人工調味，長期攝取有機會對貓狗肝腎造成負擔。
而且配方內嘅成分越多，成分之間就越有機會互相影響，干擾Omega-3嘅吸收。
由於魚油屬脂溶性營養，所以係揀魚油時可以睇下，其他成分係咪都屬於脂溶性，
例如維他命E就係脂溶性營養，而且仲可以減少Omega-3脂肪酸氧化機會，同時維持皮膚和血球健康，
所以成分表一定要睇唔懶得，咁先可以確保其他營養成分對魚油嚟講係咪有效添加。
選擇不透光的包裝
由於Omega-3脂肪酸對光線比較敏感，接觸到光線時就會開始氧化，
氧化會破壞Omega-3脂肪酸嘅分子結構，使其營養價值降低，甚至失去效果。
選擇不透光嘅包裝就可以減少魚油與光線嘅接觸，延緩氧化過程，保護魚油嘅功效，俾愛寵攝取到更新鮮嘅營養。
網路魚油推薦品牌
面對坊間上咁多款寵物魚油丸，係做過詳細功課後，就黎到最後一關，
主子肯唔肯食同係咪食完真係有效保養到？
過去半年我就分別俾屋企兩位主子試過幾款唔同嘅魚油，
再加上網友同其他飼主朋友嘅分享，整合咗以下嘅一啲資料評價，希望可以幫到其他有養貓狗嘅家長。
NOW PETS：寵物貓狗專用魚油
| EPA+DHA含量 | 300mg | Omega-3濃度 | 30% |
| 符合NRC建議用量 | 無標示 | 魚油型熊 | 無標示 |
| 包裝不透光 | ✘ | 魚油來源 | 無標示 |
| 產地 | 美國 | 劑型 | 膠囊 |
| 價錢 | HKD110 | 數量 | 180粒 |
| 每日價格 | HKD1.2 | 推薦指數 | ★☆☆☆☆ |
- 用後感：呢款係我一search寵物魚油就見唔少飼主係買呢款，所以我無咩考慮就落咗單，
收到先發現啲魚油好大粒，所以我就剪開倒啲魚油俾我屋企隻港短試，不過佢完全唔肯食。
所以之後就試下我屋企隻貴賓肯唔肯食，佢OK肯食嘅，不過補咗1個月我都唔見佢身體有咩特別變化，
感覺比較似係食安心。而且後嚟啲魚油好似有少少受潮，所以有啲黐埋一舊，我就無再俾佢補。
Tail Story：寵物挪威三文魚油
| EPA+DHA含量 | 67.5mg | Omega-3濃度 | 無標示 |
| 符合NRC建議用量 | 無標示 | 魚油型熊 | 無標示 |
| 包裝不透光 | ✘ | 魚油來源 | 三文魚油 |
| 產地 | 挪威 | 劑型 | 液態 |
| 價錢 | HKD136 | 數量 | 300ml |
| 每日價格 | HKD2 | 推薦指數 | ★★☆☆☆ |
- 用後感：見係香港品牌就想支持下，加落糧度我屋企嘅港短好願食，試咗1個月啲毛好似有滑少少，
甩毛甩得無咁勁，但效果唔係話好明顯，加上佢唔係完全密封包裝，而且又透光，所以食完之後我就換咗其他嘅魚油試。
DR.pet：純正野生冰島三文魚油
| EPA+DHA含量 | 818mg | Omega-3濃度 | 無標示 |
| 符合NRC建議用量 | 無標示 | 魚油型熊 | 無標示 |
| 包裝不透光 | ✔ | 魚油來源 | 三文魚油 |
| 產地 | 美國 | 劑型 | 液態 |
| 價錢 | HKD328 | 數量 | 473ml |
| 每日價格 | HKD3.5 | 推薦指數 | ★☆☆☆☆ |
- 用後感：買咗樽俾我屋企嘅貴賓試，但食咗2日佢就連續軟便咗2日，等佢無事，
便便正常返之後，我就試下減量，不過好似都係太多刺激到佢腸胃，食完又軟便，睇嚟係同我屋企毛孩唔多夾。
而且佢個樽口唔係扭得好緊，收到個時已經有少少油漬，餵多幾餐個樽就變油，
開咗之後又要冰唔可以常溫保存，所以後嚟就被我地打咗入冷宮。
Royal-Pet：犬用魚油丸
| EPA+DHA含量 | 無標示 | Omega-3濃度 | 無標示 |
| 符合NRC建議用量 | 無標示 | 魚油型熊 | 無標示 |
| 包裝不透光 | ✔ | 魚油來源 | 深海魚油 |
| 產地 | 加拿大 | 劑型 | 膠囊 |
| 價錢 | HKD230 | 數量 | 60粒 |
| 每日價格 | HKD3.8 | 推薦指數 | ★★★★☆ |
- 用後感：見到實惠有賣就試下，雖然無特別標示EPA或DHA嘅含量，亦無寫Omega-3濃度，
不過我屋企貴賓食完之後反應快咗，眼仔望落都精靈啲，效果其實我幾滿意。
不過因為我屋企係貓狗都有養，始終想搵款貓狗都食得嘅，後嚟有遇到款可貓狗兩用，
保健效果比呢款更加明顯，價錢又更實惠，所以後嚟我就換咗買另一款。
怪獸部落：護膚魚油
| EPA+DHA含量 | 245mg | Omega-3濃度 | 85% |
| 符合NRC建議用量 | 無標示 | 魚油型熊 | rTG型 |
| 包裝不透光 | ✔ | 魚油來源 | 小型魚 |
| 產地 | 台灣 | 劑型 | 膠囊 |
| 價錢 | HKD170 | 數量 | 70粒 |
| 每日價格 | HKD4.8 | 推薦指數 | ★★★☆☆ |
- 用後感：一打開腥味就有啲重，我屋企隻港短係時食時唔食，但毛髮有變柔順到，
而且佢有時去廁所會去唔出，食完呢款魚油佢就去得好順。
不過後嚟有次佢竟然連續5日都肯食，結果就軟便去唔淨，便便黐住仲整污咗我張床單，
捉佢去沖涼又周圍掙扎，搞咗成大半日。
之後就唔敢再餵佢食，改餵我隻貴賓，不過今次我知驚所以三日先敢餵一次，
唔知係咪因為咁，所以見唔到有咩特別效果，後嚟亦唔敢再買。
Furluv樂球：好魚油軟膠囊
| EPA+DHA含量 | 380mg | Omega-3濃度 | 75% |
| 符合NRC建議用量 | ✔ | 魚油型熊 | rTG型 |
| 包裝不透光 | ✔ | 魚油來源 | 深海魚油 |
| 產地 | 台灣 | 劑型 | 膠囊 |
| 價錢 | HKD221 | 數量 | 60粒 |
| 每日價格 | HKD3.6 | 推薦指數 | ★★★★★ |
- 用後感：一開始係餵我屋企隻港短食，令我好驚喜嘅係開始食咗兩個禮拜後就換季，
每逢換季我隻港短就會變得好懶洋洋無精神，不過今季佢仍然好活潑，無因為換季就少咗反應，
仲繼續跳嚟跳去，甚至連胃口都有變好到，一向食量少嘅佢，宜家胃口明顯大咗。
補完一樽佢啲毛仲要一摸就feel到滑咗，所以後嚟我俾埋我隻貴賓試，
本身係隻皮膚容易敏感嘅狗狗，補完竟然少咗過敏，所以我到宜家都仲買緊呢款寵物魚油。
貓糧寶：深海魚油膠囊
| EPA+DHA含量 | 無標示 | Omega-3濃度 | 無標示 |
| 符合NRC建議用量 | 無標示 | 魚油型熊 | 無標示 |
| 包裝不透光 | ✔ | 魚油來源 | 深海魚種 |
| 產地 | 中國 | 劑型 | 膠囊 |
| 價錢 | HKD53 | 數量 | 60粒 |
| 每日價格 | HKD0.8 | 推薦指數 | ★☆☆☆☆ |
- 用後感：本來見到好平，而且又係香港品牌就想試下，結果佢啲資訊好唔清晰，
所以我試下搵佢有冇網店或者IG Shop之類，但都搵唔到。
見留言係話佢膠囊太硬同有油益味，有試過問店家魚油Omega-3嘅含量，但都無人覆，所以後嚟我就無試到。
汪喵星球：85% Omega3 機能魚油
| EPA+DHA含量 | 無標示 | Omega-3濃度 | 85% |
| 符合NRC建議用量 | 無標示 | 魚油型熊 | rTG型 |
| 包裝不透光 | ✔ | 魚油來源 | 小型魚 |
| 產地 | 台灣 | 劑型 | 膠囊 |
| 價錢 | HKD248 | 數量 | 60粒 |
| 每日價格 | HKD4.1 | 推薦指數 | ★★☆☆☆ |
- 用後感：之前見過網友討論嘅一款魚油，產品評價普遍都唔錯，所以就買咗樽試。
我屋企嘅港短食完毛髮無特別變好，但去廁所就順暢咗。
不過後嚟我見一個港短Group分享咗一啲品牌嘅新聞，觀感上唔多好，所以後嚟我就無再買佢地嘅產品。
一表盡覽各款寵物魚油丸詳情
| 品牌 | NOW PETS | Tail Story | DR. pet | Royal Pets | 怪獸部落 | Furluv 樂球 | 貓糧寶 | 汪喵星球 |
|---|---|---|---|---|---|---|---|---|
| 產品 | | | | | | | | |
| EPA+DHA 含量 | 300mg | 67.5mg | 818mg | 無標示 | 245mg | 380mg | 無標示 | 無標示 |
| Omega-3 濃度 | 30% | 無標示 | 無標示 | 無標示 | 85% | 75% | 無標示 | 85% |
| 符合NRC 建議用量 | 無標示 | 無標示 | 無標示 | 無標示 | 無標示 | ✔ | 無標示 | 無標示 |
| 魚油型熊 | 無標示 | 無標示 | 無標示 | 無標示 | rTG型 | rTG型 | 無標示 | rTG型 |
| 魚油來源 | 無標示 | 三文魚油 | 三文魚油 | 深海魚油 | 小型魚 | 深海魚油 | 深海魚種 | 小型魚 |
| 包裝不透光 | ✘ | ✘ | ✔ | ✔ | ✔ | ✔ | ✔ | ✔ |
| 產地 | 美國 | 挪威 | 美國 | 加拿大 | 台灣 | 台灣 | 中國 | 台灣 |
| 劑型 | 膠囊 | 液態 | 液態 | 膠囊 | 膠囊 | 膠囊 | 膠囊 | 膠囊 |
| 數量 | 180粒 | 300ml | 473ml | 60粒 | 70粒 | 60粒 | 60粒 | 60粒 |
| 價錢 | HKD110 | HKD136 | HKD328 | HKD230 | HKD170 | HKD221 | HKD53 | HKD248 |
| 每日價格 | HKD1.2 | HKD2 | HKD3.5 | HKD3.8 | HKD4.8 | HKD3.6 | HKD0.8 | HKD4.1 |
| 推薦指數 | ★☆☆☆☆ | ★★☆☆☆ | ★★☆☆☆ | ★★★★☆ | ★★★☆☆ | ★★★★★ | ★☆☆☆☆ | ★★☆☆☆ |
總結
毛孩之所以被稱為毛孩就係因為飼主們都當屋企嘅愛寵好似小朋友咁疼愛，所以毛孩嘅健康自然係家長們最關心嘅事。
經過呢次新手入門試過各種魚油，我更深刻了解到補充魚油Omega-3對貓狗健康係有幾咁重要。
試過咁多種魚油之後，最得我兩位主子心嘅就係Furluv樂球好魚油軟膠囊，
每次一見我拎個樽出嚟就搶住食，而且補完之後，兩位毛孩嘅毛髮都柔順咗，反應又快啲精靈咗，去廁所都順暢啲。
最令我驚喜係每次天氣一變，我屋企隻貴賓皮膚就會開始敏感不斷R痕，
但前個排換季，佢啲皮膚竟然咩事都無，好潤滑唔見紅，作為主人真係好感動。
粒魚油細細粒又易咬，就咁食或者撈入糧都得，方便餵又易保存，最重要係貓狗都食得，咁我就唔洗分別買兩款魚油又要驚搞錯。
如果同我一樣想照顧好屋企貓狗嘅健康，不妨先由魚油入手試試，
每日一粒Furluv樂球好魚油軟膠囊就已經做到毛孩身體嘅全方位保健，身體健康啲自然心情都好啲。
除左Furluv樂球嘅官網，宜家HKTVmall上面都買得到佢地嘅寵物保健產品啦！
寵物魚油丸要買就買最好嘅，click呢度了解【Furluv樂球 好魚油軟膠囊】
