Tiger 3歲，果陣突然有一排
每次去廁所都會一直挖貓砂挖好耐，
開頭都冇為意，
後來有一日發現佢痾血尿，
仲見佢哩喺角落頭震哂咁，
嚇到我半夜都即刻帶佢去睇醫生，
醫生幫佢做超聲波檢查，
發現有粒尿結石塞住咗，
情況未至於要開刀，
但就要食藥嚟將粒石慢慢溶解🥹。
Tiger已經算喺會正常飲水嘅貓，
估唔到都會有尿結石，
醫生都有同我哋解釋：
有機會喺因為公貓尿道比較狹長，
另外去廁所果陣，
生殖器會好容易就掂到貓砂，
造成細菌感染發炎，
平時糧入面鈉、鎂嘅含量太高都有機會造成。
自此之後，
我同Tiger就開始好長時間嘅復康之路。
除咗用各種方法，
再加強佢平時水分攝取量：濕糧溝水、
幫佢換處方乾糧、
買咗各種泌尿道保養嘅零食同supplement比佢試。
終於，冇再翻發了!!
貓咪出現泌尿系統問題原因
- 公貓發病機率較高
因為公貓的尿道比母貓狹窄同長，
如果有堵塞問題就會更容易引起發炎。 - 貓砂盆
貓咪有可能因為覺得貓砂盆唔夠乾淨
拒絕去廁所，又或者如果喺多貓家庭，
有機會因為貓咪之間，
互相唔想共用一個貓砂盆，
而減少去廁所嘅次數，
甚至喺會忍尿唔去。 - 環境轉變
貓咪容易因環境轉變，
例如搬屋、有唔熟識嘅人嚟探訪、
嘈音、或者接觸到其他人或貓
造成緊張躲藏、忍尿嘅情況。 - 年齡
2-6歲中年貓咪比較容易有如廁嘅問題。 - 飲食
飲水量不足會令尿液濃度較高，
增加結石形成嘅機會；
另外飲食中過量鈣、磷、鎂等礦物質，亦會容易形成尿結石。 - 過度肥胖
運動小嘅貓咪，會因為活動量低，
增加泌尿道系統患病嘅風險。
貓咪出現泌尿系統疾病症狀
- 去廁所頻率高但量少
- 貓砂呈現小碎塊居多
- 頻繁lam生殖器
- 出現血尿情況
- 喺貓砂盆以外嘅地方去廁所
- 排尿時表現困難、用力、發出哀叫
- 食慾不振、脫水，精神狀況欠佳
改善方法
見字飲水
主人可以喺貓咪活動嘅路線上，
放置 2 個以上飲水機/碗，
誘導貓咪飲水，同時將飲水機/碗墊高，
水量最好 8、9 分滿，
就翻佢哋嘅高度，等佢哋一低頭就飲到水。
亦可以嘗試使用針筒餵水、罐頭加水
提升貓咪飲水量。
選擇處方飼料
一旦出現泌尿道疾病時，復發風險就會增加，
建議可以餵食泌尿道處方飼料，
維持尿液酸鹼平衡，減少結石形成。
泌尿道處方飼料，
可以選擇低鎂、低鈣、低磷嘅配方，
亦可以揀同時含有檸檬酸鉀抑制、
預防草酸鈣結晶形成。
額外補充保健產品
根據臨床經驗，
大多數貓咪會因為壓力、情緒問題，
導致自發性膀胱炎。
所以，穩定貓咪情緒、加強免疫力非常重要。
除咗確保飲食均衡外，
補充具有保健功能嘅產品都非常必重要。
維持貓咪心情開心放鬆
可以準備充足嘅玩具、貓抓板，
仲要記得花時間陪伴！
貓咪泌尿系統保健需要有咩成分？
蔓越莓
蔓越莓含有A型前花青素，
維持泌尿道弱酸環境，
可以抑制細菌黏附喺泌尿道上皮細胞，
減低感染機會，對泌尿道保健有顯著效果。
N-乙醯葡萄糖胺
是蛋白質合成嘅重要元素，
針對膀胱黏膜有修護作用，
有效喺膀胱壁與輸尿管上型成一層保護膜，
防止細菌或微生物入侵或者滋生。
黃耆
有調節免疫系統功能，維持免疫力，
減少尿蛋白以及降低其他併發症發生，
亦常用於腎臟保健。
其他輔助成分(如維他命)
維生素E幫助抗氧化，
抵抗自由基對健康細胞嘅傷害。
5款貓咪泌尿系統supplements試用分享✍🏻
過去年幾兩年，
比Tiger試用過幾種supplements，有貴有平，
有本地細brand、又有外國出名嘅牌子，
開心share比大家:
寵草王 泌尿王
| 有效成分 | 沒有標示含量 | ||
| 泌尿道 保健 | 沒有標示 | 劑型 | 膠囊 |
| 腎臟保健 | ✔ | 數量 | 120顆 |
| 膀胱保健 | ✔ | 價錢 | HK$399 |
| 產地 | 香港 | 每日價格 | HK$7 |
| 推薦指數 | ★☆☆☆☆ | ||
成分入面大部分都喺漢方草本嘅成分，
感覺都幾天然，
但後尾上網認真search先知，
貓咪泌尿系統保健需要嘅成分
主要都唔喺呢幾種，
而且冇特別標明含量，冇得同其他牌子比較。
另外Tiger得5KG左右，
每次餵半粒都幾麻煩，餵哂成粒又驚量太多，
亦都冇最主要可以預防尿道感染、
翻發嘅蔓越莓，
呢款試完一盒都冇特別想回購。
HPH 舒壓尿道免疫+ 草本配方
| 有效成分 | N-乙醯基-D-葡萄糖胺100mg、 色氨酸 35mg、 原花青素 20mg、 維生素D 15IU | ||
| 泌尿道 保健 | ✔ | 劑型 | 粉包 |
| 腎臟保健 | 沒有標示 | 數量 | 30包 |
| 膀胱保健 | ✔ | 價錢 | HK$298 |
| 產地 | 香港 | 每日價格 | HK$10 |
| 推薦指數 | ★★☆☆☆ | ||
因為Tiger有生過結石，
當時喺靠食藥將粒石溶解，過程都幾漫長，
都驚粒石會刮到裡面啲組織啊、黏膜..
所以都有搵可以修護呢個部分嘅 product，
而呢款就有符合Tiger嘅需求，
但劑量比另一款台灣嘅Furluv就低咗啲。
不過就有添加幫寵物舒壓嘅成分：色氨酸，
如果屋企貓咪會因為壓力大去唔到廁所
嘅可以試吓，但對Tiger就冇咩大幫助。
Royal-Pets 貓用天然小紅莓
| 有效成分 | 天然小紅莓精華500毫克 (高濃度36:1) | ||
| 泌尿道 保健 | ✔ | 劑型 | 膠囊 |
| 腎臟保健 | 沒有標示 | 數量 | 30顆 |
| 膀胱保健 | 沒有標示 | 價錢 | HK$178 |
| 產地 | 美國 | 每日價格 | HK$3 |
| 推薦指數 | ★☆☆☆☆ | ||
初初見到呢款36:1濃縮嘅小紅莓幾西利咁，
但成分就只得一種，冇其他保健功能，
如果想加強，
可能就要分別針對其他問題
再買額外嘅product。
食法喺2日一次，每次1粒，
因為唔喺日日都要食，
我喺成日都唔記得到底餵左未，
作為懶人嘅我都喺鐘意一次搞掂 >\<
所以呢款好快比我打入冷宮~～
Furluv 樂球 佳貓舒適泌
| 有效成分 | 專利蔓越莓萃取物 100mg、 專利N-乙醯基-D-葡萄糖胺 150mg | ||
| 泌尿道 保健 | ✔ | 劑型 | 粉包 |
| 腎臟保健 | ✔ | 數量 | 30包 |
| 膀胱保健 | ✔ | 價錢 | HK$189 |
| 產地 | 台灣 | 每日價格 | HK$6 |
| 推薦指數 | ★★★★★ | ||
直到買咗呢款，簡直喺Tiger嘅救星，
今年Tiger已經5歲，完全冇再翻發過，
去廁所回復翻細個果陣咁順暢。
呢款嘅保健成分就比較全面，
有保養泌尿道嘅蔓越莓、
修復膀胱黏膜嘅N-乙醯葡萄糖胺，
仲有最少見有埋保腎嘅黃耆成分，
而且成分含量都喺Tiger試過咁多隻
最透明清楚嘅，
最鐘意佢獨立包裝，粉包又易餵，
喺Tiger唯一一款keep住食左成年幾嘅supplement。
之後都會持續回購啊!
VetPlus – Cystaid 利尿通 貓用膀胱修復膠囊
| 有效成分 | N-乙醯基-D-葡萄糖胺 125mg、 L-色胺酸 37.5mg、 薑黃 18mg、 葉酸 0.09mg、 維生素D 14IU | ||
| 泌尿道 保健 | 沒有標示 | 劑型 | 膠囊 |
| 腎臟保健 | 沒有標示 | 數量 | 30顆 |
| 膀胱保健 | ✔ | 價錢 | HK$125 |
| 產地 | 英國 | 每日價格 | HK$8 |
| 推薦指數 | ★★★☆☆ | ||
上面都講過，
我之前比較重視有冇N-乙醯基-D-葡萄糖胺
呢個成分，
見到呢隻有，又有薑黃抗發炎啱哂Tiger，
價錢又平，即刻入手，
本身都食咗2盒，
但缺點喺佢竟然冇蔓越莓呢個重要成分!!!
話哂泌尿道最易受感染，
呢part就真喺扣咗少少分囉…
最後因為有更好選擇之下，就冇再繼續回購。
🐈懶人包🐈
| 品牌 | 寵草王 | HPH | Royal-Pets | Furluv 樂球 | VetPlus Cystaid |
|---|---|---|---|---|---|
| 產品 | | | | | |
| 有效成分 | 沒有標示 | N-乙醯基-D- 葡萄糖胺 100mg 色氨酸 35mg 原花青素 20mg 維生素D 15IU | 天然小紅莓精華500毫克 (高濃度36:1) | 專利蔓越莓萃取物 100mg 專利N-乙醯基-D-葡萄糖胺 150mg | N-乙醯基-D- 葡萄糖胺 125mg L-色胺酸 37.5mg 薑黃 18mg 葉酸 0.09mg 維生素D 14IU |
| 泌尿道保健 | ✔ | ✔ | ✔ | ✔ | 沒有標示 |
| 腎臟保健 | ✔ | 沒有標示 | 沒有標示 | ✔ | 沒有標示 |
| 膀胱保健 | 沒有標示 | ✔ | 沒有標示 | ✔ | ✔ |
| 產地 | 香港 | 香港 | 美國 | 台灣 | 英國 |
| 劑型 | 膠囊 | 粉包 | 膠囊 | 粉包 | 膠囊 |
| 數量 | 120顆 | 30包 | 30顆 | 30包 | 30顆 |
| 價錢 | HK$399 | HK$298 | HK$178 | HK$189 | HK$125 |
| 每日價格 | HK$7 | HK$10 | HK$3 | HK$6 | HK$8 |
| 推薦指數 | ★★☆☆☆ | ★★☆☆☆ | ★☆☆☆☆ | ★★★★★ | ★★★☆☆ |
懶得睇字嘅可以睇呢個chart自己比較吓，
揀翻適合貓咪嘅產品。
我自己就已經回購咗超過一年台灣牌子嘅 Furluv 樂球 佳貓舒適泌。
最鍾意喺佢成分夠全面，成個泌尿系統，
包括腎臟同膀胱都可以好好咁保養到，
成分劑量都喺高於標準，
來源透明先敢比Tiger食!
每次落單隔日就收到通知話寄出，好有效率，
唔知仲以為佢喺香港直接 送貨👍🏻👍🏻
