仔仔本身抵抗力就比較差，
郁啲就感冒發燒，
而且佢今年3歲，都準備要翻幼稚園，
已經聽過啲媽媽朋友話幼稚園係大型細菌培養皿，因為小朋友嘅衛生意識冇咁好，
所以好容易一個病變成個個病。
我朋友就推薦我買維他命C比小朋友食，
依家市面上有好多款兒童維他命C，
唔仔細研究真係唔知有咩分別，
依家就想同大家分享下我做嘅一啲research同仔仔嘅食後感！
兒童想補充維他命C可以食咩？
生果
橙、奇異果係大家比較熟悉
多維他命C嘅生果，但其實好多莓類，
好似土多啤梨、藍莓、黑加侖子等都有豐富嘅維他命C。
蔬菜
平時成日都聽到話食菜有營養，
而維他命C比較高嘅就係甜椒、西蘭花、菠菜、番茄等，
如果唔識揀嘅話，可以直接揀深色蔬菜，
維他命C會高過淺色蔬菜。
營養補充品
補充品係最直接、方便嘅方法補充維他命C。
兒童維他命C要點揀？
小朋友食維他命C可以提升免疫力，預防感冒，減少感染機會。
但小朋友食嘅又同大人食嘅唔太一樣，
依家就同大家講下要點揀啦！
劑量
1－12歲小朋友，
一日所需嘅維他命C大概係40-80mg，
而小朋友嘅腸胃仲係好脆弱，
補充太多可能會出現肚屙等腸胃問題，
所以唔可以揀劑量太高嘅維他命C。
吸收率
食得多唔代表吸收得好，
一下食高劑量維他命C係無辦法全部吸收，
好多牌子係唔會特登寫吸收率，
所以可以揀做緩釋錠嘅維他命C，
長時間緩慢釋放就唔驚嚟唔切吸收。
人造添加劑
兒童維他命C好多為咗好入口，
都會添加甜味劑，
但多數唔過量食嘅話對身體係冇影響嘅，
而需要注意嘅係人造色素，
有研究顯示人工色素對兒童活動、注意力會有不良影響，所以揀嗰陣要留意下。
五款兒童維他命C
司各脫 – 維他命C軟糖
| 每份劑量 | 105mg | 複方 | ✘ |
| 人工色素 | 無標示 | 安全檢驗 | ✘ |
| 劑型 | 軟糖 | 緩釋錠 | ✘ |
| 口味 | 綜合莓果 | 食用方法 | 每日5粒 |
| 數量 | 5粒x30 | 產地 | 馬來西亞 |
| 價錢 | HKD106 | 每日價錢 | HKD3.53 |
司各脫係香港都好出名，
所以我就上網買咗翻嚟試，
結果嚟到啲糖熔晒，個罐就撞到凹晒，
淨低幾包冇熔，軟糖表面包咗好多糖，
就算冇熔都驚小朋友食太多會蛀牙，
最後係我自己當糖咁食咗，真係幾甜。
同埋我睇翻cm，都好多人同我一樣，
唔係淨係得我嘅包裝受損，
包裝真係有待改善。。。
推薦指數☆☆☆☆☆
健之日 – 卡姆果維他命C
| 每份劑量 | 250mg | 複方 | 姆果粉 20mg |
| 人工色素 | 無標示 | 安全檢驗 | ✘ |
| 劑型 | 咀嚼錠 | 緩釋錠 | ✘ |
| 口味 | 橙味 | 食用方法 | 成人: 2-4粒； 兒童: 2粒。 |
| 數量 | 150粒 | 產地 | 日本 |
| 價錢 | HKD128 | 每日價錢 | HKD1.71 |
呢款嘅維他命C劑量比較高，
連複方都係卡姆果粉係for維他命C，
但冇說明吸收率，
佢嘅橙味唔會怪又唔會好甜。
因為佢冇寫飯前定飯後食，
初頭我係記得就比佢食，
但後尾發覺佢飯前食肚仔會有小小唔舒服，
所以我之後都係飯後比佢食，
效果方面仔仔食咗一排，雖然唔見有感冒，
但間唔中都會流鼻水。
推薦指數★★★☆☆
BHK’s 兒童維他命C
| 每份劑量 | 63mg | 複方 | 接骨木莓萃取物50mg 鋅 3mg |
| 人工色素 | ✘ | 安全檢驗 | ✔ |
| 劑型 | 咀嚼錠 | 緩釋錠 | ✔ |
| 口味 | 莓果味 | 食用方法 | 6歲以下: 1粒； 6歲以上: 一天不超過2粒。 |
| 數量 | 60粒 | 產地 | 台灣 |
| 價錢 | HKD125 | 每日價錢 | HKD2.08 |
呢款嘅劑量超適合小朋友食！
仔仔食呢款係完全冇唔舒服，
佢有添加接骨木莓萃取，
呢個成分係專門針對感冒，超岩我仔仔，
仲有添加鋅，有效抗發炎化，提升抵抗力。
我都有試食，佢個味係淡淡嘅雜莓味，
又唔會好甜，係小朋友會鐘意食但又唔係會想當零食嘅味道。
仔仔食咗一個月，期間都冇再感冒，
精神都特別好，不知幾精靈>\<
推薦指數★★★★★
醫之選 – 兒童維C+鈣
| 每份劑量 | 200mg | 複方 | 鈣100mg |
| 人工色素 | 無標示 | 安全檢驗 | ✘ |
| 劑型 | 咀嚼錠 | 緩釋錠 | ✘ |
| 口味 | 無標示 | 食用方法 | 每日2粒 |
| 數量 | 60粒 | 產地 | 美國 |
| 價錢 | HKD99 | 每日價錢 | HKD3.3 |
呢款嘅維他命C有200mg，都係比較高嘅，
而鈣就有100mg，除咗可以增強免疫力之外，
仲可以促進骨骼、牙齒嘅發育。
呢款係仔仔唯一一款唔肯食嘅維他命C，
佢本身冇特別做調味，
但有陣怪怪地嘅士多啤梨味，
仔仔食過一次之後就唔肯食，我都冇再逼佢。
推薦指數☆☆☆☆☆
Redoxon維多C 3重功效兒童咀嚼片
| 每份劑量 | 200mg | 複方 | 維他命D80IU 鋅 1.5 mg |
| 人工色素 | ✘ | 安全檢驗 | ✘ |
| 劑型 | 咀嚼錠 | 緩釋錠 | ✘ |
| 口味 | 橙味 | 食用方法 | 2-3歲兒童: 每日1粒； 4-12歲兒童: 每日2粒； 13歲或以上: 每日3-4粒。 |
| 數量 | 90粒 | 產地 | 印尼 |
| 價錢 | HKD105 | 每日價錢 | HKD1.67 |
維多C嘅劑量一樣係200mg，
而複方就添加咗維他命D同鋅，
有助提升免疫力同呼吸道健康。
呢款佢主打係無添加人造甜味劑、防腐劑及人造色素，而佢成分表上就有四種甜味劑，
其中955、950就係人造甜味劑，
真係有啲誤導人。
佢味道食落係好食嘅橙味，仔仔都幾鐘意食，
但維他命C嘅劑量好似都係有啲太高，
仔仔食完又係肚仔唔舒服。
推薦指數☆☆☆☆☆
懶人包
| 品牌 | 司各脫 | 健之日 | BHK’s | 醫之選 | Redoxon 維多C |
|---|---|---|---|---|---|
| 產品 | | | | | |
| 每份劑量 | 105mg | 250mg | 63 mg | 200mg | 200mg |
| 複方 | ✘ | 姆果粉 20mg | 接骨木莓萃取物 50mg 鋅 3mg | 鈣100mg | 維他命D 80IU 鋅 1.5 mg |
| 人工色素 | 無標示 | 無標示 | ✘ | 無標示 | ✘ |
| 安全檢驗 | ✘ | ✘ | ✔ | ✘ | ✘ |
| 劑型 | 軟糖 | 咀嚼錠 | 咀嚼錠 | 咀嚼錠 | 咀嚼錠 |
| 緩釋錠 | ✘ | ✘ | ✔ | ✘ | ✘ |
| 口味 | 綜合莓果 | 橙味 | 莓果味 | 無標示 | 橙味 |
| 產地 | 馬來西亞 | 日本 | 台灣 | 美國 | 印尼 |
| 食用方法 | 每日5粒 | 成人: 2-4粒； 兒童: 2粒。 | 6歲以下: 1粒； 6歲以上: 一天不超過2粒。 | 每日2粒 | 2-3歲兒童: 每日1粒； 4-12歲兒童: 每日2粒； 13歲或以上: 每日3-4粒。 |
| 數量 | 5粒x30 | 150粒 | 60粒 | 60粒 | 90粒 |
| 價錢 | HKD106 | HKD128 | HKD125 | HKD99 | HKD105 |
| 每日價錢 | HKD3.53 | HKD1.71 | HKD2.08 | HKD3.3 | HKD1.67 |
| 推薦指數 | ☆☆☆☆☆ | ★★★☆☆ | ★★★★★ | ☆☆☆☆☆ | ☆☆☆☆☆ |
總結
我覺得最適合仔仔嘅維他命C
係 BHK’s 兒童維他命C，
無論係劑量定複方我都好滿意，
而且成分入面有鋅，
所以仔仔最近食飯都食多咗，
佢都冇再流鼻水同感冒。
兒童維他命C劑量太高會導致腸胃不適，
呢款嘅劑量就好適合小朋友，
有效又唔會肚仔唔舒服，
已經比佢食緊第二盒！
不過講咁多最重要真係小朋友肯食，
我覺得呢款嘅味道應該幾多小朋友會鐘意，
媽媽們快啲去 HKTVmall 落單啦！
