唔知有冇人同我一樣，
係啲頭皮好容易出油有異味嘅人，
細個嗰陣唔識扮靚，
對於呢啲事都唔太在意，
直至升咗中學開始貪靚，
仲學人剪咗空氣瀏海，唔單止打理好麻煩，
一出油仲會變barcode。
所以我全部都係揀去油嘅洗頭水，
而且每日朝早要提早起身洗多次頭，
雖然好麻煩，但都係唯一嘅方法。
中學畢業之後，好多朋友都走咗去染頭髮，
我又心郁郁想去染，我就染深紅色，
從此之後我頭皮嘅狀況就一發不可收拾。。。
本身就容易出油，染咗頭髮之後又更嚴重，
洗完頭三個鐘就已經變油，
仲會甩啲幾大片嘅頭皮，
依家個頭好似落雪咁，仲會生痘痘，
情況超嚴重，
所以我就開始上網check有冇咩方法可以改善。
我呢幾個月就試咗兩樣產品嚟改善頭皮出油，咁就想分享比大家，
同我有一樣困擾嘅人可以參考下。
頭皮出油原因
首先想同大家講下，每個人嘅情況都唔同，
頭皮出油嘅原因都唔一樣，
所以要搵岩自己出油原因先可以對症下藥。
基因
有啲人頭皮出油多係天生，
係受到基因遺傳影響，
就好似天生髮質細軟嘅人，
頭皮皮脂腺會比粗硬髮質嘅人更多，
所以就更容易出油。
荷爾蒙變化
好似青春期、月經、懷孕等嘅情況下，
荷爾蒙都會有明顯嘅變化，
頭皮會更容易出油，
網上有人話月經期間唔可以洗頭係錯誤㗎，
因為出油容易令毛囊阻塞，
所以要更加注重清潔。
飲食習慣
平時鐘意食高油、高糖嘅人，
皮脂分泌都會比較旺盛，
頭皮都比較容易出油。
清潔不當
有啲人每日洗頭，但反而越洗越油，
可能係洗頭水清潔力太高，導致過度清潔，
又或者洗頭水太過滋潤，
唔適合你嘅頭皮狀況。
要記得洗頭唔可以用太熱嘅水，
如果唔係都會刺激油脂分泌。
頭皮發炎
平時嘅護理不當，或者係細菌、真菌感染，
導致頭皮紅腫、毛囊發炎。
改善頭皮出油嘅方法
飲食調整
飲多啲水，避免食油炸、辛辣、加工食品。
生活習慣
要有規律嘅作息，唔好捱夜，
要保持放髮心情，先可以穩定荷爾蒙。
同埋洗完頭要盡快吹乾，
先唔會滋生細菌導致毛囊阻塞。
平時都盡量唔好撥頭髮，
手有油脂都會造成頭皮變油。
正確嘅清潔護理
揀適合油性頭皮嘅去油洗頭水，
避免用過熱嘅水洗頭，唔好用指甲去搓頭皮，
而係用指腹按摩清潔，
以免過度磨擦傷害頭皮。
用護髮或者造型產品要避開頭皮，
咁先唔會阻塞毛囊。
產品
KÉRASTASE-油性髮質浴髮泥
呢個牌子嘅頭髮產品都係幾出名嘅，
所以我就買咗佢嘅頭皮磨砂膏翻嚟試啦，
呢款係一個禮拜用一次嘅，
但我自己係3－4日就用一次，
因為真係太油，
用完當下係feel到個頭好清爽，完全唔油，
到第二朝都係幾乾爽，唔洗再洗多次頭，
慳翻好多時間。
但用咗差唔多兩個月，可能係清潔太強，
對頭皮刺激比較大，頭皮反而變痕，
頭皮屑都變多咗，用完髮尾仲有啲乾。
個人認為雖然磨砂膏係有短期嘅即時效果，
但始終治標不治本，唔用嘅時候頭皮都係會油，
而且長期使用對頭皮都唔太好，
所以我都想再試下其他產品。
BHK’s 婕漾 素食膠囊
呢款係唯一一款市面上專為頭皮出油設計嘅保健品，真係搵唔到第二款，
佢嘅主要成分係橄欖葉同魚腥草萃取，
可以做到去油、抗發炎嘅作用，
仲有添加神經醯胺去鎖水，
令頭皮乾爽之餘，頭髮都唔會乾。
入面仲有維他命B6、E同鋅，
可以增進皮膚健康，
而且佢本身係不含藥物成分，
對身體都冇唔好嘅影響。
我食咗兩個月之後，頭皮屑明顯少咗好多，
連頭皮嘅痘痘都消失晒，
頭皮出油嘅狀況都改善咗好多。
依家基本上就係每日洗一次頭就夠，
而且個頭都唔會臭，
個頭可以由朝到晚都唔會油，真係超正！
產品使用周期比較表
| 品牌 | KÉRASTASE | BHK’s |
|---|---|---|
| 產品 | | |
| 兩個星期 | 頭皮油脂分泌減少、 髮根清爽 | 頭皮痘痘好得更快 |
| 一個月 | 頭皮屑變多、 刺激頭皮痘痘 | 頭皮出油減少、 異味消失 |
| 兩個月 | 頭皮太乾容易痕癢、 髮尾變乾 | 頭皮屑減少、 頭皮痘痘消失 |
| 三個月 | 長期使用對頭皮刺激高， 雖然出油減少， 但頭皮變得敏感。 | 頭皮狀態有明顯改善、 頭皮屑幾乎消失、由內調養體質、 減少出油、不再有異味， 髮質都有變好 |
總結
頭皮出油通常都係多種因素互相影響導致，
所以都係要維持良好嘅生活習慣先可以達到理想嘅效果，而相比外用頭皮護理產品，
我更推薦內服嘅產品，即係BHK’s婕漾，
因為外用嘅頭皮護理產品，
只有使用當日或者當下先有效，
而婕漾係服用一段時間之後，
係可以達到長期嘅效果，
可以做到每日都頭皮清爽，
唔再有異味同頭皮屑，
就算我有段時間食得油啲、作息冇咁好，
都唔會導致頭皮出油有異味。
頭皮狀態好咗之後，成果人都更加自信，
連朋友都讚我靚咗，真係超滿意呢個效果，
依家 HKTVmall 都買得到，
同我一樣有頭皮困擾嘅你，快啲去試下啦！
