E世代嘅小朋友接觸電子產品嘅機會愈嚟愈多，
睇電子書要用iPad、做功課要用電腦、平時又想拎家長部電話嚟睇Youtube，真喺點都避唔到。
上年年尾先同個囡去完驗眼，完全唔意外，
近視由100幾度加深到200度，仲有散光，
不過視光師話少少散光，副眼鏡唔洗配到咁足度數，
驚小朋友唔習慣會見暈，但就要控制吓睇電視電腦個距離同時長，
再喺咁每年加深落去，老果陣影響先大！
所以舊年驗完眼之後，都開始各種方法幫小朋友護眼。
謢眼貼士
要幫小朋友預防近視加深，維持良好視力，家長嘅角色好重要！
平時要多加留意小朋友嘅用眼情況，
如果小朋友出現以下症狀，家長就要注意，盡快睇醫生評估：
- 瞇眼看東西
- 經常摔眼、眨眼
- 慣性歪頭、低頭或以側視角度看東西
- 小朋友反映有頭痛情況
- 雙眼畏光、泛紅或流淚
作為父母除咗要以身作則，少啲喺小朋友面前用手機之外，仲可以：
教導小朋友良好的用眼習慣
- 使用電子產品20分鐘，就俾雙眼休息20秒，可以多望遠處及綠色植物。
- 避免螢幕/室內光線過亮或過暗
- 眼睛與螢幕距離至少15公分左右
- 每年定期檢查眼睛
均衡飲食
- 補充葉黃素及β-胡蘿蔔素：
有助於過濾藍光，保護視網膜，建議日常可以多進食橙色、黃色或綠色蔬菜 - 攝取維他命A：
有助於維持角膜和結膜的健康，eg.胡蘿蔔、菠菜、南瓜等食物 - 攝取足夠的維生素C和E：
具有抗氧化作用，保護眼睛免受自由基傷害 - 多食富含花青素食物：
有助於改善眼睛疲勞，可從藍莓、葡萄、桑葚等食物中獲取。
其他護眼方法
- 使用抗藍光保護貼
- 眼睛乾澀時可以滴眼藥水或人工淚液
- 保持充足睡眠，減少雙眼疲勞
- 日常食用含有葉黃素嘅護眼保健品
不過應該好多小朋友同我個囡一樣，專門揀飲擇食，
食飯時間呢樣又唔食，果樣又唔食，叫食菜又嫌條菜大條，
煲紅蘿蔔豬骨湯又話飽唔飲，叫佢睇少啲電話更加喺冇可能，
所以我最後喺決定從護眼supplement入手!
兒童護眼supplement挑選重點
好彩平時都有入吓啲媽媽gp取經，同好多媽咪傾開，
自己又上網睇好多產品，宜家對幫小朋友揀護眼supplement都算幾有心得，
分享比大家：
葉黃素劑量
葉黃素喺護眼好重要嘅成分之一，但唔喺劑量高就好。
因為葉黃素唔似水溶性成分容易排出，
所以要揀翻符合小朋友每日攝取量嘅產品，
避免造成肝臟代謝功能嘅負擔。
兒童一般每日攝取2-6mg就夠架啦!
葉黃素來源
認明 FloraGLO®專利原料，喺全球具有最多臨床研究嘅專利葉黃素原料，
有獲得20項以上人體臨床實證支持，
連美國都用嚟放喺嬰兒營養補充品入面，功效及安全性高。
見到呢個商標，媽媽們就可以放心買!
添加花青素、胡蘿蔔素、維他命等營養成分
花青素除咗有強效抗氧化作用，
仲可以改善眼部微血管血液循環，舒緩眼睛疲勞及乾澀，
仲可以增強視力嘅敏銳度。
而β-胡蘿蔔素可轉化成維他命A，喺維持夜間視力及預防夜盲、乾眼症嘅重要元素。
5款兒童葉黃素開箱
唔講咁多啦，即睇我個囡試咗幾款最常見嘅兒童葉黃素
PNKIDS 無糖兒童護眼睛靈軟糖
| 葉黃素含量(每顆) | 10mg | ||
| 專利葉黃素 | ✘ | ||
| 添加花青素 | ✘ | ||
| 添加維他命 | ✘ | ||
| 安全檢驗 | 無標示 | ||
| 產地 | 美國 | 劑型 | 軟糖 |
| 數量 | 60粒 | 吃法 | 2粒/天 |
| 價格 | HKD249 | 每份價格 | HKD8.3 |
- 喺屈臣氏見到呢款無糖軟糖，又可以護眼，諗住小朋友實鐘意。
後來有開始研究成分之後發現 20mg 葉黃素對大人一般保養嚟講已經算喺劑量好高!
更何況喺小朋友…買咗翻嚟都唔敢比個囡食，
加上佢個配方冇額外添加其他花青素、維他命等，
除咗過濾藍光應該冇乜其他護眼功效。
最後比咗老公食，老公放工都仲要打機，食多啲抗藍光應該冇壞掛🤣。 - 推薦指數：☆☆☆☆☆
CATALO 兒童DHA活腦IQ葉黃素配方
| 葉黃素含量(每顆) | 3mg | ||
| 專利葉黃素 | FloraGLO® | ||
| 添加花青素 | ✘ | ||
| 添加維他命 | ✘ | ||
| 安全檢驗 | ✔ | ||
| 產地 | 美國 | 劑型 | 咀嚼軟膠囊 |
| 數量 | 50粒x2 | 吃法 | 1-2粒/天 |
| 價格 | HKD498 | 每份價格 | HKD4.98 |
- 本身自己都有食開CATALO 另一款supplement，
但有時同一個牌子都未必喺大人細路都啱。
呢隻就差在一樣喺冇添加其他花青素、維他命成分。
不過可能有加魚油潤眼，啊囡有話用電腦果陣冇咁易乾。
但如果想更有效護眼，
建議再補充其他保健品或者從日常飲食中多攝取。
主要喺佢有偏貴，之後又搵到隻配方更全面，
價錢仲平一半有多，就拾棄咗佢。 - 推薦指數：★★★☆☆
BHK’s 兒童小晶澈葉黃素EX 咀嚼錠 葡萄口味
| 葉黃素含量(每顆) | 3mg | ||
| 專利葉黃素 | FloraGLO® | ||
| 添加花青素 | 加拿大野生純藍莓萃取 100mg、法國黑醋栗萃取 50mg、智利酒果粉 30mg | ||
| 添加維他命 | β-胡蘿蔔素(500IU) 3mg | ||
| 安全檢驗 | ✔ | ||
| 產地 | 台灣 | 劑型 | 咀嚼錠 |
| 數量 | 60粒 | 吃法 | 1粒/天 |
| 價格 | HKD157 | 每份價格 | HKD2.62 |
- 就喺呢隻BHK’s，喺個囡最鐘意食嘅一款，
我自己都有試食，唔會太甜，又啱小朋友口味，
小朋友記得每日食真喺好重要，呢款嬴咗一半。
最重要喺佢成分非常全面，FloraGLO®專利葉黃素，劑量3mg不多不少，
仲有多種護眼花青素，同β-胡蘿蔔素，
全部來源劑量都標示清楚，家長完全可以放心!
呢款食咗到宜家有半年，最明顯喺見個囡少咗成日用力眨眼同朦眼睇嘢，
亦冇再頻繁摔眼，持續回購! - 推薦指數：★★★★★
Spring Leaf – 兒童葉黃素軟糖 奇異果口味
| 葉黃素含量(每顆) | 4mg | ||
| 專利葉黃素 | ✘ | ||
| 添加花青素 | ✘ | ||
| 添加維他命 | ✘ | ||
| 安全檢驗 | 無標示 | ||
| 產地 | 澳大利亞 | 劑型 | 軟糖 |
| 數量 | 80粒 | 吃法 | 2-3粒/天 |
| 價格 | HKD112 | 每份價格 | HKD2.8 |
- 呢隻同BHK’s果隻一樣喺HKTV mall入手，百幾蚊一樽，都抵買。
又喺軟糖，小朋友唔會抗拒，但就會成日都想拎嚟食，
個囡成日趁我唔注意都多食，有次仲食到肚痾…
本身官網都有講食多有可能會引起腹瀉，唔敢再試。 - 推薦指數：★☆☆☆☆
Inne兒童護眼葉黃素軟糖(藍莓味)
| 葉黃素含量(每顆) | 5mg | ||
| 專利葉黃素 | ✘ | ||
| 添加花青素 | ✔ | ||
| 添加維他命 | 維生素E 6mg 維生素A 120mcg | ||
| 安全檢驗 | 無標示 | ||
| 產地 | 德國 | 劑型 | 軟糖 |
| 數量 | 30粒 | 吃法 | 2粒/天 |
| 價格 | HKD249 | 每份價格 | HKD16.6 |
- 成日路過萬寧都見到，HKTV mall都有賣，仲有報導介紹先去買嘅。
齋睇成分算幾齊全，不過葉黃素冇特別選用有專利嘅，
花青素含量亦冇標示，效用性就感覺不大，事關囡囡亦冇乜反饋… - 推薦指數：★★☆☆☆
5款兒童葉黃素一覽
| 品牌 | PNKIDS | CATALO | BHK’s | Spring Leaf | Inne |
|---|---|---|---|---|---|
| 產品 | | | | | |
| 葉黃素含量 (每顆) | 10mg | 3mg | 3mg | 4mg | 5mg |
| 專利葉黃素 | ✘ | FloraGLO® | FloraGLO® | ✘ | ✘ |
| 添加維他命 | ✘ | ✘ | ✔ | ✘ | ✔ |
| 添加花青素 | ✘ | ✘ | ✔ | ✘ | ✔ |
| 安全檢驗 | 無標示 | ✔ | ✔ | 無標示 | 無標示 |
| 產地 | 美國 | 美國 | 台灣 | 澳大利亞 | 德國 |
| 數量 | 60粒 | 50粒x2 | 60粒 | 80粒 | 30粒 |
| 獨立包裝 | ✘ | ✘ | ✔ | ✘ | ✔ |
| 劑型 | 軟糖 | 咀嚼軟膠囊 | 咀嚼錠 | 軟糖 | 軟糖 |
| 吃法 | 2粒/天 | 1-2粒/天 | 1粒/天 | 2-3粒/天 | 2粒/天 |
| 價錢 | HKD249 | HKD498 | HKD157 | HKD112 | HKD249 |
| 每份價錢 | HKD8.3 | HKD4.98 | HKD2.62 | HKD2.8 | HKD16.6 |
| 推薦指數 | ☆☆☆☆☆ | ★★★☆☆ | ★★★★★ | ★☆☆☆☆ | ★★☆☆☆ |
總結
唔想小朋友細細個就深近視，
要幫小朋友護眼，維持良好視力真喺一場持久戰。
所以揀小朋友適合嘅護眼產品我就會以配方全面性為主，
優先選擇國際認可專利FloraGLO®嘅葉黃素，
配合其他花青素、維他命等有效成分，眼睛各方面嘅需要都照顧到👍🏻
其次就喺小朋友接受度及價錢。
最好留意埋有冇安全檢驗。
始終都要長期食，一定要揀CP值高、用料好嘅!
囡囡表示最鐘意就喺BHK’s 兒童小晶澈葉黃素EX 咀嚼錠，
造型得意又好味，佢仲好得戚話今年驗眼一定要睇到最細粒果行🤣
我自己最滿意佢喺獨立片裝，每日啪一粒出嚟食，
其他未食嘅保存起上嚟亦好方便，唔驚會有水氣或者變質。
仲可以睇到囡囡有冇偷偷哋食多咗，家長控制份量時更方便。
最方便喺 HKTV mall 就買到，訂完隔日已經收到whatsapp話出貨，
仲有線上客服可以問，各位媽媽們有興趣都可以直接去落單 📝
