BB宜家就嚟2歲，生活作息慢慢有規律，
終於有時間同啲舊朋友聯絡吓，
傾吓啲媽媽經、湊仔經。
身邊朋友都輪流有BB，
開始問我孕期要食啲咩。
估唔到我都有做專家嘅一日😂
我自己覺得最容易忽略，
但又好重要嘅就喺補鐵，
所以你見好少brand有特別出孕婦食嘅鐵劑！
因為我自己都喺，
以為食一粒綜合維他命就夠哂，
到產檢要抽血，
報告出嚟果陣先比醫生話血紅素唔夠，
要食多啲含鐵食物或者額外補鐵。
孕婦補鐵嘅重要性
成日都聽到話大肚婆一定要補鐵補血，
唔喺得個講字架！
鐵負責幫手造血、輸送氧氣及營養俾BB、維持能量代謝與免疫功能。
而媽媽喺懷孕期間對鐵嘅需求量更加會增加，由初期每日需攝取15mg增至每日45mg。
除咗供應孕婦本身及胎兒所需外，
仲會大量貯存喺胎兒體內，
供應到BB出生後六個月內使用。
如果鐵攝取不足，會導致缺鐵性貧血，
影響媽媽與胎兒嘅健康：
缺鐵會影響到媽媽供應氧氣及營養俾胎兒，
更會影響生產前造血。
媽媽會容易攰、體力不足、頭暈頭痛、
注意力不集中、心悸氣喘，
亦有機會令免疫力下降。
嚴重時可能導致早產或產後抑鬱風險增加。
BB亦會受影響，造成出生體重低、
出生後容易發生貧血、
影響腦部發育及日後學習能力等。
飲食中含鐵嘅食物
食物中嘅鐵可以分為動物性或植物性來源，
平時唔食肉嘅素食媽媽可以留意翻！
動物性含鐵食物
(吸收率高，約 15–35%)
| 種類 | 鐵含量（每100g） | |
| 紅肉 | 牛肉、羊肉、豬肉 | 約 2–3 mg |
| 內臟 | 豬肝、鵝肝 | 約 10–40 mg |
| 家禽 | 雞肉、鴨肉 | 約 1–3 mg |
| 海鮮 | 魚、蠔、蜆 | 約 2–10 mg |
| 血製品 | 豬血、鴨血 | 約 20–25 mg |
植物性含鐵食物
(吸收率約 2–10%，雖然唔夠動物性來源高，但有研究話配合維他命 C 可以提升吸收率)
| 種類 | 鐵含量（每100g） | |
| 豆類 | 黃豆、黑豆、紅豆 | 約 5-10 mg |
| 深綠色蔬菜 | 菠菜、芥蘭、莧菜 | 約 3–10 mg |
| 果乾 | 提子乾、紅棗 | 約 2–3 mg |
| 堅果 | 黑芝麻、南瓜籽、腰果、杏仁 | 約 10 mg |
| 穀物 | 燕麥、糙米 | 約 2–4 mg |
驟眼睇以為可以吸收鐵嘅食物好多種，
不過大肚果陣口味嘅野真喺好難講，
有時點食都食唔夠，嘔一嘔就乜都冇得淨，
本身吸收差嘅媽媽仲慘，
產檢抽血一定比醫生哦血紅素唔夠，
所以孕期我非常贊成直接食supplement 搞掂。
鐵補充劑的形式
營養補充品中最常見到嘅鐵補充劑形式有收下幾種：
| 種類 | 吸收率 |
|---|---|
| 甘胺酸亞鐵 | 約 85–90 % |
| 硫酸亞鐵 | 約 15–25 % |
| 富馬酸亞鐵 | 約 15–25 % |
| 焦磷酸鐵 | 約 15–20 % |
| 三價鐵（如氫氧化鐵多醣複合物） | 吸收率低及不穩定，需在腸道轉換受其他飲食成分影響 |
吸收率高嘅鐵劑比較適合孕婦，
減低對腸胃嘅刺激同孕期間嘅不適，
唔怕造成便秘，又可以有效補鐵。
孕婦補鐵要點揀?
鐵形式
吸收率高嘅鐵比較唔會受到其他食物或營養成分影響，對腸胃刺激亦會相對較細，
唔怕腸胃不適。
特別喺孕後期最容易有便秘問題，
所以揀鐵劑一定要揀高吸收率！
鐵劑量
上面有提到，
孕初期同孕後期需要攝取嘅鐵劑量唔同，
買之前要睇清楚劑量有冇符合孕期需求，
鐵劑量太低、攝取不足，
容易導致缺鐵性貧血；
但都唔好以為劑量愈高愈好，
劑量太高、吸收唔好，
就會引起噁心、便秘，
更有可能干擾胰島素作用、
引致妊娠糖尿病、高血壓等。
size/味道
懷孕期間會對味道特別敏感、容易反胃，
揀supplement最好揀翻自己可以接受嘅大細、形式(滴劑、錠狀、膠囊、軟糖、濃縮飲)，
同時留意味道或者聞落會唔會容易作嘔。
5款鐵補充劑
CATALO – 孕婦天然鐵配方
| 有效成分 | 鐵 | ||
| 鐵形式 | 無標示 | 鐵劑量 | 9mg |
| 吸收率 | 無法得知 | 全孕期可食用 | ✔ |
| 人工添加物 | ✘ | 第三方檢驗 | 無標示 |
| 產地 | 美國 | 包裝 | 瓶裝膠囊 |
| 數量 | 60粒 | 食用方式 | 每天1-2粒 |
| 價格 | HK$248 | 每份價格 | HK$4 |
當初睇中佢喺天然咖哩葉來源，
天然嘅野雖然好，但劑量低，
又唔知吸收率好唔好！
已經去到缺鐵嘅情況再食呢款，效用不大。
加上到後期要食到45mg，呢隻完全唔夠用！
UNIMAT RIKEN – ZOO 鐵+葉酸咀嚼片
| 有效成分 | 鐵、葉酸 | ||
| 鐵形式 | 焦磷酸鐵 | 鐵劑量 | 6mg |
| 吸收率 | ●○○ | 全孕期可食用 | ✔ |
| 人工添加物 | ✔ | 第三方檢驗 | 無標示 |
| 產地 | 日本 | 包裝 | 瓶裝咀嚼片 |
| 數量 | 150粒 | 食用方式 | 每天2粒 |
| 價格 | HK$129 | 每份價格 | HK$2 |
孕期間就喺會好想食垃雜野，
一見到呢啲糖類嘅就差啲忍唔到手，
好彩最後理智贏咗！
劑量低、吸收率低，
最擇使喺佢本身有加葉酸，
要留意加埋自己食開果款有冇過量。
Ferrum Hausmann® – 補鐵滴劑
| 有效成分 | 鐵 | ||
| 鐵形式 | 氫氧化三鐵聚麥芽糖複合物 | 鐵劑量 | 50mg |
| 吸收率 | 不穩定 | 全孕期可食用 | 建議先詢問醫生 |
| 人工添加物 | ✔ | 第三方檢驗 | 無標示 |
| 產地 | 葡萄牙 | 包裝 | 瓶裝滴劑 |
| 數量 | 30 ml | 食用方式 | 每天1ml (20滴) |
| 價格 | HK$240 | 每份價格 | HK$8 |
唔好睇佢劑量高，佢用嘅氫氧化物形式，
吸收效果喺最差，
仲會受到日常飲食中嘅成分影響，
食完都未必真喺吸收到咁多…
同埋見好多人都話呢隻要有醫生處方先會去買，一般人或者準媽媽都喺問準醫生先再服用會比較穩陣！
BHK’s – 孕媽咪螯合鐵錠
| 有效成分 | 鐵、維生素C、黑棗精粉 | ||
| 鐵形式 | 甘氨酸亞鐵 | 鐵劑量 | 22.5mg |
| 吸收率 | ●●● | 全孕期可食用 | ✔ |
| 人工添加物 | ✘ | 第三方檢驗 | ✔ |
| 產地 | 台灣 | 包裝 | 片裝錠狀 |
| 數量 | 60粒 | 食用方式 | 每天1-2粒 |
| 價格 | HK$157 | 每份價格 | HK$3 |
我自己就幾鐘意呢隻。
1粒有22.5mg鐵，初期1日1粒劑量足，
食到後期食2粒都喺攝取量範圍內，唔會過量。
本身吸收率高就唔會有便秘問題，
仲加咗黑棗精華，有膳食纖維加強排便，
真喺去廁所都順啲。最緊要價錢公道！
大研生醫 – 黑棗補鐵精華飲
| 有效成分 | 鐵、魚膠原蛋白、米萃取物 (含10%神經醯胺) | ||
| 鐵形式 | 甘氨酸亞鐵 | 鐵劑量 | 15mg |
| 吸收率 | ●●● | 全孕期可食用 | 建議先詢問醫生 |
| 人工添加物 | ✘ | 第三方檢驗 | ✔ |
| 產地 | 台灣 | 包裝 | 即飲包 |
| 數量 | 8包 | 食用方式 | 每天1包 |
| 價格 | HK$219 | 每份價格 | HK$27 |
HKTV mall見到介紹話孕媽咪食得，
佢官網都有孕媽分享。
劑量同吸收率都不錯，但成分有神經醯胺，
之前聽姑娘話大肚果陣，
除咗必要嘅營養素、維他命等等，
其他非必要嘅成分，食用前最好喺問醫生先！而且佢1日最多喺飲1包，1包喺15mg鐵，
到孕後期可能都喺會有缺鐵嘅情況。
孕婦補鐵食邊隻?
| 品牌 | CATALO | UNIMAT RIKEN | Ferrum Hausmann® | BHK’s | 大研生醫 |
| 產品 | | | | | |
| 有效成分 | 鐵 | 鐵、葉酸 | 鐵 | 鐵、維生素C、 黑棗精粉 | 鐵、魚膠原蛋白、米萃取物(含10%神經醯胺) |
| 鐵形式 | 無標示 | 焦磷酸鐵 | 氫氧化三鐵聚麥芽糖複合物 | 甘氨酸亞鐵 | 甘氨酸亞鐵 |
| 鐵劑量 | 9mg | 6mg | 50mg | 22.5mg | 15mg |
| 吸收率 | 無法得知 | ●○○ | 不穩定 | ●●● | ●●● |
| 全孕期可食用 | ✔ | ✔ | 建議先詢問醫生 | ✔ | 建議先詢問醫生 |
| 人工添加物 | ✘ | ✔ | ✔ | ✘ | ✘ |
| 第三方檢驗 | 無標示 | 無標示 | 無標示 | ✔ | ✔ |
| 產地 | 美國 | 日本 | 葡萄牙 | 台灣 | 台灣 |
| 包裝 | 瓶裝膠囊 | 瓶裝咀嚼片 | 瓶裝滴劑 | 片裝錠狀 | 即飲包 |
| 數量 | 60粒 | 150粒 | 30 ml | 60粒 | 8包 |
| 食用方式 | 每天1-2粒 | 每天2粒 | 每天1ml (20滴) | 每天1-2粒 | 每天1包 |
| 價格 | HK$248 | HK$129 | HK$240 | HK$157 | HK$219 |
| 每份價格 | HK$4 | HK$2 | HK$8 | HK$3 | HK$27 |
雖然我自己喺中期開始先補鐵，
但唔建議各位準媽咪學我啊！
初期就應該要有規律咁每日食，
先唔會孕期頭痛頭暈，
幫助生產前有足夠嘅造血量。
補鐵嘅話我最推BHK’s – 孕媽咪螯合鐵錠，
劑量足夠、吸收好，
初期到後期嘅攝取量都喺啱啱好，
亦唔會因為食鐵劑出現便秘情況。
順帶一提，佢喺純素配方，
素食媽咪飲食中更容易缺鐵，
食呢款完全冇問題！
媽媽們有興趣可以直接囤貨到生之前，
每次喺HKTV mall買，
收到貨都有2-3年有效期，
完全唔洗擔心會過期食唔哂。
