前排搬咗出嚟住，少咗食住家飯，
一個禮拜可能自己煮1、2次，食少咗好多菜。
果排2-3日先有得去一次廁所，
皮膚都突然差咗好多，好暗沉、好缺水，
間唔中就會爆幾粒瘡（我以前唔會的）。
平時有食開益生菌都冇用，
換咗一批skin care一樣冇改善，
啊媽叫我食翻多啲蔬菜水果排毒，
腸胃健康，皮膚先會好。
但我一個人住，又食唔完，
有幾次都放到爛哂…
開始喺咁搵有邊款益生菌喺便秘人士推薦，
但見到好多blog同報導都話，食益生菌唔夠，
重要配合埋飲水量同攝取膳食纖維！
真喺長知識！
先知我要搵嘅唔喺強效益生菌，
喺要食膳食纖維！
膳食纖維嘅每日建議攝取量
膳食纖維通常喺由植物而來，
可以分為水溶性及非水溶性兩種，
水溶性纖維可以促進益生菌生長，
維持腸道同身體代謝健康；
非水溶性纖維幫助增加糞便體積，
改善排便狀況。
根據衛生署指引，
成人及青少年每日建議攝取25克或以上嘅膳食纖維。
而兒童每日所需嘅膳食纖維量喺年齡再加5克。例如：6歲兒童每日要攝取6＋5克，唧喺11克。
膳食纖維不足對身體嘅影響
膳食纖維攝取不足唔止喺會便秘，
短期會影響新陳代謝，
長遠亦有可能導致血糖、血脂、體重及心血管問題。
1. 消化系統
膳食纖維不足會令腸道蠕動減慢，
便便會變得乾硬，造成便秘。
嚴重會導致痔瘡或者結腸出現問題。
2. 新陳代謝
膳食纖維可以減慢糖分吸收、降低壞膽固醇，
缺乏嘅話會造成血糖波動、增加患上心血管風險。纖維亦可以增加飽肚感，
有助控制食量及體重。
3. 其他潛在影響
膳食纖維可以作為益生菌嘅食物，
缺乏會令腸道菌叢不平衡，
間接影響免疫系統。
飲食中膳食纖維含量較高嘅食物
膳食纖維主要來源包括全穀物、豆類、水果、蔬菜和堅果等，日常飲食中包含天然食物中嘅纖維當然喺最好：
| 種類 | 食物 | 攝取量 |
|---|---|---|
| 蔬菜類 | 西蘭花、菠菜、胡蘿蔔、芹菜 | 每餐攝取 半碗 ~ 1 碗熟菜 |
| 豆類 | 黑豆、扁豆、黃豆、枝豆 | 每餐攝取 1~ 2 份原型豆類 |
| 水果類 | 柿、梨、蘋果、牛油果、奇異果 | 每餐攝取 1 份 |
| 全穀類 | 燕麥、藜麥、糙米、全麥麵包 | 每天選擇一餐以全穀食物取代白飯 |
| 堅果類 | 杏仁、核桃、開心果、榛果 | 每天 1/3 碗 |
但好多人屋企唔煮飯，習慣食外賣，
單單要均衡飲食都難，
莫講話每日要攝取足夠膳食纖維，
所以額外補充喺必須的！
膳食纖維要點揀最有效？
含多種膳食纖維
唔同嘅纖維有唔同嘅功效，
多元纖維種類兼具促進腸道益菌健康及腸道蠕動嘅效果，亦有助調節血糖、降膽固醇、改善便秘。
所以，多種膳食纖維比單一膳食纖維喺維持健康各方面就會更全面。
膳食纖維含量
一般補充劑嘅膳食纖維含量大約喺5–10g左右會喺最適合，太少就冇乜幫助，
一樣要喺三餐中攝取先夠，
過量嘅話又容易肚痾或者脹氣。
亦可以留意食用方式喺一日幾次，
睇翻自己嘅飲食狀況調整就最好，
腸胃負擔就唔會咁大。
含益生元
益生元可以作為腸道益菌嘅食物。
雖然水溶性膳食纖維通常被視為益生元嘅一種，但唔喺所有水溶性纖維都喺益生元！
果膠、菊苣纖維、葡聚糖等就喺部分腸道益菌可以利用嘅水溶性纖維，
幫助益菌生長繁殖，維持腸道健康。
包裝
膳食纖維吸濕性強，
特別喺水溶性纖維容易吸收空氣中嘅水分，
導致結塊或變質。
如果環境潮濕，水分增加更會令霉菌或細菌滋生。所以，市面上好多brand都會出獨立包裝嘅補充劑，當然罐裝嘅就大件又更抵，睇翻自己嘅需要啦！
5款熱賣膳食纖維比較
Toxout – 腸毒清纖維粉
| 膳食纖維 | 含量 | 無標示 |
| 種類 | 2種 | |
| 專利 | ✘ | |
| 益生元 | ✔ | |
| 產地 | 馬來西亞 | |
| 包裝 | 獨立粉包 | |
| 數量 | 18包/盒 | |
| 食用方式 | 每天半包~2包 | |
| 價格 | HK$260 | |
| 每份價格 | HK$14 | |
Do姐代言，HKTV mall買仲送搖搖杯。
膳食纖維含量冇講，
主要喺因為佢味道對我嚟講偏酸，
我飲得慢，有時冇即時飲哂，
佢就會慢慢變𠹳…口感有啲核突，
後來我就轉咗另一隻。
雀巢 – 纖維樂® 纖維粉
| 膳食纖維 | 含量 | 4.3g |
| 種類 | 1種 | |
| 專利 | ✘ | |
| 益生元 | ✘ | |
| 產地 | 德國 | |
| 包裝 | 罐裝 | |
| 數量 | 250g/罐 | |
| 食用方式 | 每天1~2平匙 | |
| 價格 | HK$197 | |
| 每份價格 | HK$4 | |
罐裝真喺零舍抵，
但膳食纖維含量偏少，種類亦只有1隻。
每次沖1~2匙，不過其實你喺唔會知一匙到底食咗幾多膳食纖維，有機會喺少過4.3g，
平日一定要從其他飲食補翻夠。
同埋罐裝就唔方便翻工或者出遠門帶住。
FANCL – 清腸纖維
| 膳食纖維 | 含量 | 5g |
| 種類 | 1種 | |
| 專利 | ✘ | |
| 益生元 | ✘ | |
| 產地 | 日本 | |
| 包裝 | 獨立粉包 | |
| 數量 | 30包/盒 | |
| 食用方式 | 每天1包 | |
| 價格 | HK$152 | |
| 每份價格 | HK$5 | |
呢隻都平，不過搵唔到太多關於佢嘅介紹，
單一種類5g嘅膳食纖維，
我自己食完都喺差唔多2日去一次廁所。
唯一優點，無味，唔會影響口感。
樂保 – Bioactive Organic Fiber
| 膳食纖維 | 含量 | 6g |
| 種類 | 1種 | |
| 專利 | ✘ | |
| 益生元 | ✘ | |
| 產地 | 新加坡 | |
| 包裝 | 獨立粉包 | |
| 數量 | 30包/盒 | |
| 食用方式 | 每天1包 | |
| 價格 | HK$260 | |
| 每份價格 | HK$9 | |
爬文見呢隻都有啲comment話佢好難溶開，
又有啲話飲咗一段時間都冇改善。
都唔意外，因為見佢都喺得一種膳食纖維，
加上難溶嘅話，都未必真喺攝取到6g，
功效上一定就冇咁明顯。
BHK’s 膳食纖維沖泡飲
| 膳食纖維 | 含量 | 7.4g |
| 種類 | 4種 | |
| 專利 | Fibryxa | |
| 益生元 | ✔ | |
| 產地 | 台灣 | |
| 包裝 | 獨立粉包 | |
| 數量 | 30包/盒 | |
| 食用方式 | 每天1~3包 | |
| 價格 | HK$221 | |
| 每份價格 | HK$7 | |
無意中搵到呢隻，1包有成4種膳食纖維，
總共7.4g，暫時市面上見到含量最高。
仲喺有專利、有國際認可有效！
可以根據當日自己飲食狀況，飲1-3包都OK，
有時全日都喺食外賣，我就會每餐都沖一杯。
呢幾個月都喺飲呢隻，起身就有得痾，
塊臉冇咁易成日生粒粒，
我覺得連口氣都冇咁重。
邊款膳食纖維最抵買?
| 品牌 | Toxout | 雀巢 | FANCL | 樂保 | BHK’s | |
| 產品 | | | | | | |
| 膳食纖維 | 含量 | 無標示 | 4.3g | 5g | 6g | 7.4g |
| 種類 | 2種 | 1種 | 1種 | 1種 | 4種 | |
| 專利 | ✘ | ✘ | ✘ | ✘ | Fibryxa | |
| 益生元 | ✔ | ✘ | ✘ | ✘ | ✔ | |
| 產地 | 馬來西亞 | 德國 | 日本 | 新加坡 | 台灣 | |
| 包裝 | 獨立粉包 | 罐裝 | 獨立粉包 | 獨立粉包 | 獨立粉包 | |
| 數量 | 18包/盒 | 250g/罐 | 30包/盒 | 30包/盒 | 30包/盒 | |
| 食用方式 | 每天半包~2包 | 每天1~2平匙 | 每天1包 | 每天1包 | 每天1~3包 | |
| 價格 | HK$260 | HK$197 | HK$152 | HK$260 | HK$221 | |
| 每份價格 | HK$14 | HK$4 | HK$5 | HK$9 | HK$7 | |
宜家食過最滿意喺 BHK’s 膳食纖維沖泡飲，
膳食纖維量同種類暫時喺市面見到最高、最豐富，功效最全面。
成分入面嘅纖維都喺天然來源，
小朋友揀飲擇食又食得，
大肚婆容易便秘果段時間都食得。
味道唔會太酸太甜，食飯配住飲幾清爽，
仲可以增加飲水量，控制埋食量。
清完腸胃，皮膚都改善埋。
雖然喺台灣牌子，但有得網購，
試過最快落完單2日就到！
